IniciosociedadeAlbores organiza o día 31 unha xornada sobre o novo marco normativo...

Albores organiza o día 31 unha xornada sobre o novo marco normativo da discapacidade

Debido á situación sanitaria actual é necesaria a presentación de Certificado Covid para a asistencia así como anotarse a través do correo electrónico albores@albores.org enviando nome e apelidos, DNI e teléfono de contacto.

Publicado o

POR
Redacción
- Advertisement -

O vindeiro luns, 31 de xaneiro do 2022, ás 16:30 horas da tarde, a Asociación Albores Saúde Mental organiza unhas charlas sobre a Lei 8/2021, de 2 de xuño, pola que se reforma a lexislación civil e procesal para o apoio ás persoas con discapacidade no exercicio da súa capacidade xurídica.

A mencionada lei modifica substancialmente a lexislación civil e procesal que afecta aos dereitos das persoas con discapacidade, adaptando o noso ordenamento xurídico á Convención Internacional sobre os dereitos das persoas con discapacidade, asinada en Nova Iorque o 13 da decembro do 2006. 

Nesta convención, acórdase que as persoas con discapacidade teñen a mesma capacidade xurídica que as demais persoas. En consonancia, supón deixar de falar de “tutela” e empezar a falar de “protección”. Supón a eliminación da incapacitación xudicial e a súa substitución por un sistema de medidas de apoio que teñen por finalidade permitir o desenvolvemento pleno da personalidade, con dignidade e en igualdade de oportunidades. Estes apoios respetarán sempre os dereitos, a vontade e os intereses da persoa. 

Dentro deste novo contexto, cobran relevancia os poderes e mandatos preventivos, a autocuratela, a defensa xudicial e a garda de feito. 

Programa da xornada

  • 16:30 horas. Recepción de asistentes. 
  • 17.00 horas. Presentación. Dona Delia Guitián Rodríguez (Psicóloga Clínica e Presidenta de Albores Saúde Mental) 
  • 17.15 horas. Os dereitos humanos e a discapacidade: A Convención de Nova Iorque. Conferenciante: Dona María José González Rodríguez (Avogada) 
  • 17:30 horas. As medidas de autorregulación, os mandatos e os poderes preventivos: Medidas voluntarias de apoio. Conferenciante: Don José Ramón Mazaira López (Notario en Monforte de Lemos) 
  • 18:00 horas. A fiscalía e a protección das persoas con discapacidade: As solicitudes de dotación de apoios ás persoas con discapacidade, para o exercicio da súa capacidade xurídica. Conferenciante: Don Antón Fructuoso Freire Montero (Fiscal de la Sección Territorial de Lugo) 
  • 18:30 horas. O proceso xudicial: Casuística. Conferenciante: Dona Mónica Ferreiro Quintas (Maxistrada Xuíza do Xulgado de 1ª instancia e instrución Nº1 de Monforte de Lemos) 
  • 19.00 horas. Valoración forense no ámbito xurídico. Conferenciante: Dona Verónica García Gordo (Médico Forense, anteriormente adscrita á sección Territorial de Lugo)
  • 19:30 horas Mesa Redonda e Preguntas 

ÚLTIMAS

“Outlet de Inverno” en Sarria, os día 1 e 2 de marzo

Durante eses días, preto dunha trintena de establecementos de ACES participarán nunha campaña de...

Cales son as prioridades do orzamento do novo goberno para Quiroga?

No caso do servizo municipal de auga, co inicio das choivas de outono a...

Máis de 200 persoas inscritas para a carreira Xacorun Sarria que se celebra o 3 de marzo

A Xunta apoia un ano máis a iniciativa Xacorun, unha carreira entre Sarria, Paradela...

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...