No curso, estruturado en dúas xornadas teórico-prácticas que se desenvolven este sábado 19 e domingo 20 de febreiro,  os participantes e as participantes aprenden técnicas de poda de formación e produción de árbores novas e de rexeneración ou recuperación de oliveiras autóctonas.

O curso, impartido polo experto oleícola Ramón Pulgar, comezou este sábado 19 de febreiro ás 9:30 h no teleclube do Concello de Petín, para despois trasladarse a terreo e observar exemplos prácticos. A xornada de mañá, domingo 20, desenvolverase nunha aldea do Concello de Quiroga.

A Asociación de Produtores de Aceite e Aceituna de Galicia / APPAG

A entidade naceu en decembro do 2014 co obxectivo de xuntar a todos os produtores de aceite e aceituna do territorio galego para asesoralos sobre todo o relativo ao cultivo das oliveiras e defender o sector.

Desde APAAG, acompañan aos socios/as no asesoramento e mellora das plantacións, apóianos e colaboran con eles en investigacións, fan traballos de publicacións, etc. En definitiva, apostando por unha regulación do sector a través dun novo marco normativo que recoñeza e protexa a calidade do auténtico aceite que se produce en Galicia.