HomesociedadePolamiúda organiza para este día 8 manifestación en Chantada polo Día da...

Polamiúda organiza para este día 8 manifestación en Chantada polo Día da Muller

A Asociación feminista Polamiúda de Chantada convoca, como todos anos desde a súa creación en 2017, unha mobilización na rúa o 8 de marzo, para sumarse ás reivindicacións dos dereitos das mulleres.

Publicado o

POR
Redacción
- Advertisement -

Este ano a manifestación sairá da Praza Santa Ana ás 20 horas e chegará ao Cantón sobre as 21 horas, repetindo o percorrido do ano pasado. Informan de que se deu conta á Subdelegación do Goberno e ao Concello de Chantada, polo que esperan que o tráfico se corte para a manifestación e a Policía Local sexa avisada e non como dín aconteceu o pasado ano.

Sairase ás 20.00 horas da Praza Santa Ana, subida por Avenida de Lugo ata cruce con Rúa Portomarín, baixada por Rúa Portomarín ata Avenida de Monforte, continuación por Avenida e Monforte dirección casco histórico ata Rúa Fontearcada continuando por Rúa Luis Soto Lemos ata chegar á Praza de España (Praza do Cantón) onde rematará a manifestación aproximadamente sobre as 21 horas.

Malia a mellora da situación sanitaria e a supresión de case todas as restricións, dada a exención do uso das máscaras na rúa, procurarase que a manifestación descorra en tres columnas que garantan certa separación entre persoas e eviten aglomeracións.

“A hexemonía partiarcal -seguindo o guión- sacou a súa artillaría, e desde posicións conservadoras e de extrema dereita estase a crear un relato simplista e manipulado que pretende deslexitimar o feminismo e que, de non atoparnos fortes e unidas, poranos en grave risco, impedirá o avance cara a igualdade e mesmo suporá un retroceso de dereitos. Na nosa man está posicionarnos ou mirar cara outro lado, mais en todo caso haberá que dar explicacións ás que veñen detrás,” conclúen desde Polamiúda.

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...