Logo do acordo adoptado en Xunta de Goberno o pasado 21 de marzo, o Concello obrigou á empresa Otero Aldao SL á retirada da grúa instalada na rúa Ferrol, retirada que foi levada a cabo na tarde do xoves, 31 de marzo.

O Alcalde precisou que “tras a retirada do guindastre, queda por retirar o silo en dita rúa Ferrol. Se a empresa non o fai, o Concello procederá a súa retirada, de forma subsidiaria, e repercutiralle os gastos que supoña esta acción ó promotor da obra”.

O 30 de maio de 2013, un informe dos axentes da cidadanía daba conta da existencia dunha grúa sen licenza de instalación no número 13 da rúa Ferrol e que podía supoñer un “perigo para a seguridade das persoas e cousas”, a Xunta de Goberno Local acordou incoar expediente contra dita empresa para a retirada da grúa. Tras varios requerimentos non cumpridos o concello instou a proceder á execución subsidiaria da retirada da grúa e elementos anexos á mesma, retirada que finalmente acometeuse.