InicioPolíticaFolgoso do Courel pídelle celeridade á Deputación para reparar as estradas provinciais

Folgoso do Courel pídelle celeridade á Deputación para reparar as estradas provinciais

O Concello de Folgoso do Courel pídelle celeridade á Deputación de Lugo para reparar as estradas da súa titularidade que se atopan en mal estado ao seu paso pola localidade, sobre todo ao verse incrementado o seu uso tras o derrubamento o pasado mes dun tramo da LU-651 que comunica Folgoso do Courel con Quiroga.

Publicado o

POR
Redacción
- Advertisement -

A alcaldesa, Lola Castro, mantivo unha reunión de traballo a pasada semana co presidente da institución provincial, José Tomé Roca, na que lle pediu “unha consideración especial” coas vías provincias atendendo ao mal estado que presentan e unha maior afluencia de tráfico nas últimas semanas, a consecuencia do incidente producido en Santa Eufemia.

O Goberno local agradece a receptividade de Tomé Roca, quen asegurou que se interesaría por esta petición, ao tempo que lle demandan a máxima axilidade.

Desde o Goberno local aseguran que a Xunta foi dilixente desde o momento no que se coñeceu o derrubamento e que a Consellería que dirixe Ethel Vázquez fará a execución dun acceso provisional que permita restituír o tráfico, que estará en funcionamento este mesmo verán e que suporá un investimento de máis de 770.000 euros.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...