IniciosociedadeXLIV edición das Feiras e Festas de Primavera no Páramo

XLIV edición das Feiras e Festas de Primavera no Páramo

Un dos atractivos desta cita está na Feira de Gando, que terá lugar este sábado, coa participación de 350 reses, na súa maioría de gandeiros e gandeiras do concello do Páramo e da comarca de Sarria. Tamén haberá unha representación de exemplares da Asociación de Criadores de Raza Rubia Galega.

Publicado o

POR
Redacción
- Advertisement -

O Deputado de Promoción Económica e Social, Pablo Rivera Capón, participou este venres na inauguración da XLIV edición das Feiras e Festas de Primavera, que se recupera esta fin de semana tras dous anos de parón, no Campo da Feira de Vilarmosteiro, no concello do Páramo. No acto tamén participou o Alcalde da localidade, José Luis López López, ademais doutros representantes locais e provinciais.

Tras a inauguración, o xornalista e escritor, Xulio Xiz, foi o encargado de pregoar esta cita organizada pola Asociación Amigos do Campo da Feira. Rivera Capón destacou a importancia desta cita, coa que colabora a institución provincial cunha achega de 8.000€ para a súa celebración.

“Esta actividade impulsa o sector primario e recupera oficios tradicionais. Dende a Deputación de Lugo buscamos estar a carón dos concellos e facelo con propostas coma esta é sempre un orgullo e unha oportunidade para dar a coñecer todo o que temos na nosa provincia”, destacou o Deputado. Ata o domingo, os asistentes poderán visitar exposicións permanentes de maquinaria agrícola, artesanía e pintura, ademais de participar en obradoiros de cestaría.

A Deputación co Páramo

Dentro desta liña de colaboración cos concellos, a Deputación de Lugo inxecta este ano 2022 máis de 245.000€ ao Concello a través do Plan Único para a mellora de infraestruturas, fomento do emprego e actividades culturais como esta feira. En concreto, a institución provincial destina máis de 200.000€ ao acondicionamento e mellora de accesos a diferentes núcleos. Estes fondos do Plan Único tamén se dedican ao funcionamento do Servizo de Axuda no Fogar con preto de 4.500€, á creación de emprego con 20.000€ ou á administración electrónica e protección de datos, con 5.300€.

ÚLTIMAS

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...

A Xunta reactiva as notificacións para queimas agrícolas

A Xunta de Galicia decidiu volver activar os permisos para queimas agrícolas de particulares....