IniciosociedadePróximos cursos da AGACAL en Monforte

Próximos cursos da AGACAL en Monforte

O Centro de Formación e Experimentación Agraria de Monforte de Lemos acolle nos próximos días varios cursos sobre sustentabilidade do modelo produtivo da gandaría extensiva e sobre interpretación e manexo do Rexistro Oficial de Produtos e Material Fitosanitario. O primeiro será o 20 de xuño en horario de mañá sobre a sanidade e benestar animal e a súa relación directa co rendemento produtivo da gandaría intensiva.

Publicado o

POR
Redacción
- Advertisement -

O obradoiro sobre a sanidade e benestar animal aborda tanto aspectos teóricos coma prácticos sobre o estudo dos principios de hixiene na produción animal. Esta iniciativa está dirixida ás persoas vinculadas profesionalmente cos sectores produtivos relacionados coa agricultura, gandería, industria agroalimentaria e cadea forestal-madeira, e tamén ás persoas con expectativa de incorporación, en concreto a xuventude do medio rural.

Celebraranse tamén dous cursos sobre a sustentabilidade do modelo produtivo da gandaría extensiva e a súa relevancia para o clima. As accións formativas celebraranse os días 21 e 22 de xuño, ao longo da mañá, dende as 10:00 horas ás 14:15 da tarde. Estes obradoiros tratarán teóricos e prácticos sobre o estudo da gandaría extensiva e as perspectivas de futuro con respecto ao clima e o territorio.

O 22 de xuño en horario de mañá celebrarase un taller práctico de consulta, interpretación e manexo do Rexistro Oficial de Produtos e Material Fitosanitario. O obradoiro aborda aspectos prácticos sobre a consulta e manexo do devandito rexistro, así coma dos límites máximos de residuos. Os alumnos tamén manexarán un caderno de explotación así coma datos proporcionados pola Comisión Europea sobre a seguridade alimentaria no relativo a estes asuntos para a mellor comprensión da importancia de cumprir coa lexislación vixente neste eido.

Nesta páxina poden atoparse os referidos curso e facer a pre-inscrición en liña cubrindo os datos necesarios. O coordinador poñerase en contacto coas persoas interesadas a través do correo electrónico comunicándolle se está ou non admitido. Para consultar calquera dúbida, pode chamarse ao teléfono 982 889 103, ou enviarse un correo a ceca.monforte@edu.xunta.es.

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...