Comezan os Milagres en Taboada co Día do Neno e a Festa da Mocidade

Do 12 ao 15 de agosto o concello de Taboada celebra as Festas dos Milagres, este venres contarase co Día do Neno e a Festa da Mocidade.

Monoulious Dop.

O Concello de Taboada celebra as súas Festas Patronais na honra á Virxe dos Milagres. Este venres celébrase o Día dos nenos e nenas, que organiza o Concello de Taboada. De  17.00 a 19.30 na rúa do Pavillón contarase con hinchables con movemento, tobogáns acuáticos, circuito de kars e festa da espuma. Nesta xornada ten lugar tamén, a Festa da Mocidade que organiza O Marrao Enxebre. Comezarase ás 18.30 con ruta polos bares. Ás 22.00 terá lugar a cea popular para ás 00.00 comenzar cos concertos a cargo de Festicultores, Unión Phenosa, Louband e Monoulious Dop. Coa camisola da festa, que se pode adquirir por 17 euros, contarase con cea, cervexa e calimocho. A verbena desta xornada correrá por conta do grupo Alba.

O sábado, día 13 celébrase o Día da Bicicleta, con saída da Alameda ás 11.00. A cita está organizada polas escolas deportivas do Concello de Taboada. Haberá misa solemne ás 12.30 e sesión vermú cos Xograres de Lemos. Pola tarde contarase co autobús de Saborea a túa Provincia e a verbena estará amenizada por Charleston Big Band e o grupo Extra.

Na xornada do domingo, día 14, comezarase ás 12.00 misa cantada pola Coral Polifónica de Taboada. A procesión e sesión vermú será coa Banda de Música de Chantada. Ás 18.30 terá lugar o partido de fútbol na Medela, entre Taboada CF e Chantada Atlético. Ás 23.30 comezará a verbena coa orquestra Ciudad de Vigo e Dj.

No útimo día, o 15 de agosto, celébrase a Festa do Óso na Medela, contando coa charanga “Era visto”, que volverá actuar pola noite. O Festival Folclórico comezarás ás 19.30 co grupo de gaitas, canto e danzas Os D´Eiquí de Taboada, Cecuc de Costa Rica, Academic Ensemble MMJ de Serbia. A cita organízaa o Concello cos D´Eiquí. 

DEIXAR UN COMENTARIO

Please enter your comment!
Please enter your name here