A A.V. do Saviñao solicita a retirada das antenas de telefonía en Mondavide.

A asociación veciñal diríxese á alcaldía despois de recibir as queixas da veciñanza pola ausencia de resposta no concello ás súas demandas de retirada das antenas de telefonía mobil próximas ás casas e que xa motivaron unha denuncia á Valedora do Pobo. A asociación considera que estas instalacións son lesivas e perigosas para a saúde.

Casa do Concello. Foto: C. O Saviñao

“A desconfianza veciñal vén motivada pola gran cantidade de casos de cancro que se deron en varias familias do barrio”, sinalan desde a asociación. “Pode que se trate dun azar ou ben que os campos electromagnéticos teñan algo que ver, este dilema non vai ter unha resposta cintífico-pericial inmediata, nin unha certeza, pero este rexeite ás instalación xa ten un longo recorrido.”

Lembran que no 2004, coincidindo co desmatelamento doutra antena en Santalla, xa fóra solicitada a retirada da de Mondavide adxuntando unhas 150 firmas e obtendo daquela o compromiso da Alcaldía da súa retirada, cousa que nunca se executou. Posteriormente no ano 2011 a asociación veciñal reitera esta petición de retirada, coincidindo coa inmediatez da caducidade do contrato de arrendamento. “Outra negativa por resposta e a día de hoxe as antenas continúan sendo unha ameaza percibida polos veciños de Mondavide.”

A solicitude da asociación á Alcaldía recolle: información acerca da data de caducidade do contrato de dita instalación, información da cantidade percibida polo Concello polo arrendamento de dito servizo e a retirada inmediata das instalación por ser considerada polos veciños unha ameaza para a súa saúde.

DEIXAR UN COMENTARIO

Please enter your comment!
Please enter your name here