O Alcalde de Monforte, José Tomé Roca, acompañado pola 1ª Tenente de Alcalde, Gloria Prada, e o Concelleiro de Obras, Medio Rural e Servizos, visitou este luns a gardaría onde informou de que se renovou todo o material de xogo.
O Alcalde subliña que “co inicio do novo curso académico procedemos a renovar todos os xogos da Gardería Municipal, adaptándonos así á nova normativa establecida para este tipo de xoguetes e elementos de ocio e educación, e dando solución ás necesidades actuais desta gardería”.
O Concello levou a cabo unha renovación integral dos xogos que se destinan a nenos e nenas de 0 a 3 anos. “Trátase de materiais de primeira categoría e da mellor calidade, porque queremos que os nenos e nenas usuarios desta Gardería Municipal conten cos mellores xoguetes para disfrutar no seu día a día, á vez que estimulan a coordinación, a psicomotricidade, a vista ou o tacto”, indica José Tomé.
Para a aula de 0 a 1 anos, o Concello adquiriu unha tumbona hamaca destinada ós primeiros meses de idade, e 4 pelotas flexibles, para favorecer o desenvolvemento sensorial e tactil dos bebés.
Para a aula de 1 a 2 anos, mercáronse:
- Set de 8 pelotas sensoriais para máis de 6 meses de idade.
- Panel de xogo “osiño”, con ampla fama de actividades manipulativas.
- Panel de xogo “cocrodilo”, deseñado para estimular a coordinación ollo-man e as habilidade motoras, a partir de 12 meses.
- Panel de xogo “elefante”, deseñado para estimular a coordinación ollo-man e as habilidade motoras, a partir de 12 meses
- Surtido de 15 vehículos temáticos.
- Lote de 30 vehículos de rodas, flexibles e brandos.
Para a aula de 2 a 3 anos, mercáronse: 24 Contas xigantes de plástico para ensartar, a partir de 24 meses e lote de 74 Kim buni, de plástico, a partir de 24 meses. Tamén se dotou de numerosos xogos o patio interior da gardaría.