12 persoas participan en Monforte dun obradoiro de costura básica destinado ao colectivo xitano

O Concello de Monforte, a través do departamento de Servizos Sociais e Igualdade, traballa na inclusión social do colectivo xitano, a través do “Programa de Inclusión Social da poboación de etnia xitana do Concello de Monforte”.

Centro Cívico / Concello de Monforte

O vindeiro luns, 3 de outubro, e ata o 28 de novembro de 2022, terá lugar a celebración dun Obradoiro de costura básica, cunha duración de 40 horas ó longo de 20 días. Este obradoiro está programado dentro do módulo de “Transición ó emprego”.

 Os horarios, serán, en outubro, os luns, mércores e venres de 10:30-12:30h (12 días), e en novembro, os xoves e venres de 10:30-12:30h (8 días). Nel participarán 12 persoas que recibirán as súas clases na segunda planta do Centro Cívico de Monforte.

Este Programa de Inclusión Social da poboación de etnia xitana do Concello de Monforte inclúe ademais actuacións de apoio á inclusión social básica, apoio á inclusión residencial, transición ó emprego, reforzo socioeducativo de menores e mediación social e/ou intercultural

Este  programa está subvencionado pola Consellería de Política Social da Xunta de Galicia e cofinanciado pola Unión Europea a través do Fondo Social Europeo (FSE),  para o período comprendido entre o 1 de xullo de 2021 e o 30 de abril de 2023.

Para máis información acerca deste tipo de programas e accións, poden dirixirse ás oficinas dos Servizos Sociais Municipais, emprazados no primeiro andar do Centro Cívico Social, no Paseo do Malecón s/n de Monforte, ou no teléfono 982416541.

DEIXAR UN COMENTARIO

Please enter your comment!
Please enter your name here