A CIG Saúde no Hospital de Monforte demanda solucións ao concello respecto do quitamedos da rúa das Codesas

Por culpa deste peche, que se prioduciu sen previo aviso, o hospital tivo que botar en agosto 35.000 litros de gasoil a un prezo de máis de 35.000 euros, aseguran desde a CIG, "Lembramos que estes cartos son de todos e que se poderían empregar noutras cousas máis necesarias e que de seguir así nin nos queremos imaxinar o custo ao final do ano."

Quitamedos / CIG Saúde

No ano 2013 instálase unha caldeira de biomasa no H.P de Monforte co fin de reducir o consumo e as facturas de electricidade. Un camión de pelets descargaba neste punto sen ningún tipo de problema e conseguindo un gran aforro para o hospital, aseguran desde o sindicato.

“Neste ano 2022 o H.P de Monforte pide permiso ao Concello para facer unhas obras de mellora na parte posterior do hospital co fin de ter unha entrada por esa zona. O permiso é concedido, pero cando o Hospital pide permiso de paso, este é denegado e obrígalle ao hospital a pechar a zona onde se realizaron as obras.” En xuño deste ano o concello coloca o quitamedos que impide que o camión que levaba 9 anos descargando o siga facendo. A administración local aseguroulles que a Confederación Hidrográfica non deixaba retirar o quitamedos, e este peche supón un perxuizo para o Hospital.

A CIG Saúde asegura ter solicitado reunión co rexedor para solucionar este tema, sen ter recibido resposta. Agora volven insistir en conseguir unha solución rápida e piden xuntanza do Concello, a Confederación Hidrográfica e o Sergas, “Instamos ao alcalde de Monforte a que facilite esta reunión a en lugar de poñer paos nas rodas,” conclúen.

DEIXAR UN COMENTARIO

Please enter your comment!
Please enter your name here