HomesociedadeO alcalde de Quiroga critica a "mala planificación" do Sergas nas vacinacións...

O alcalde de Quiroga critica a “mala planificación” do Sergas nas vacinacións a maiores

Critica que haxa que acudir a Monforte e que non se atenda os problemas do medio rural.

Publicado o

- Advertisement -

O alcalde de Quiroga, o popular Xulio Álvarez, queixouse este luns da “mala planificación” do Servizo Galego de Saúde (Sergas) na vacinación aos maiores, ao non permitir que se lle inocule nos centros de saúde de cada concello na primeira chamada e, no seu caso, teñan que desprazarse ao hospital de Monforte, a case unha hora de distancia dalgunha parroquia.

Neste contexto, Álvarez destacou que o seu municipio ten “unha cobertura sanitaria envexable”. “Temos unha PAC extraordinario, cun persoal, igualmente, extraordinario”, incidiu.

Dito isto, o rexedor explicou que “Quiroga non é só Quiroga, senón que dá cobertura a outros concellos como son Ribas do Sil e tamén Folgoso do Courel”, que son “municipios de montaña”. “No medio rural temos unha serie de dificultades engadidas, non temos transporte urbano e con iso fáltanos algo que nos impide acceder a uns servizos tan elementais como son as vacinas, sobre todo se se fai con ‘un veña vostede cando lle toque’ ou ‘xa veremos se pode recorrer á repesca’, afeaba.

Xulio Álvarez reiterou que “as persoas da terceira idade que teñen esas limitacións físicas inherentes á propia idade, que viven no medio rural, xa non no semiurbano como é Quiroga, que non hai taxis, que non hai autobuses, que non hai ferrocarril, teñen que queixarse porque queren calidade de vida e esa calidade de vida dálla a saúde“.

“Que por outra banda temos un sistema sanitario de luxo pero con fallos e, evidentemente, este é un fallo de mala planificación”, protestou. O alcalde de Quiroga apresurouse en subliñar que el se limita a ser “un altofalante” das queixas dos seus veciños, á vez que lembrou que no seu concello “máis do 50 por cento dos veciños son da terceira idade”.

ÚLTIMAS

“O Son da Serra, cando O Courel derramou bágoas de cinsa” proxéctase este 19 de novembro no Multiusos de Samos

O Son da Serra, Cando O Courel derramou bágoas de cinsa é o filme...

Chantada humanizará co plan HURBE a conexión entre a rúa Doutor Fleming e a Avenida de Lugo

O alcalde de Chantada, Manuel Lorenzo Varela e a Conselleira de Vivenda e Planificación...

Inscricións abertas ata o 9 de decembro para participar no Mercado de Nadal de Monforte

O prazo para presentar as solicitudes estará aberto desde este mércores, 18 de novembro,...

O PP de Monforte non participará nos actos municipais do 25N

Os concelleiros do Grupo Municipal do PP de Monforte anuncian que non participarán nos...