O Auditorio Municipal acolleu o pasado sábado 17 de decembro o ‘Festival de Nadal’ no que houbo varias actuacións: Banda de Gaitas San Martiño, Coral Polifónica de Quiroga e alumnas/os de guitarra e piano, e entrega de premios polos concursos de poesía de postais. O día seguinte, domingo 18, houbo unha exhibición de baile moderno organizado pola ANPA CEIP de Quiroga.
O xoves 22 a Casa da Cultura acollerá unha presentación literaria ás 19:00 h., concretamente darase a coñecer o novo libro de Xerardo Rodríguez Arias, veciño de Bendollo: “Bendollo sempre na memoria, crónica urxente dun mundo que esmorece”. Este mesmo día tamén se fará un convite aos socios do Centro Social.
Para o 23 queda a visita de Papá Noel polas rúas de Quiroga, para o 26 un ‘Encontro interxeracional’ no Centro de Atención Temperá e para o 30 unha actuación para público familiar: “Saga de Flin Havardr”, monicreques a cargo de Trécola Produccións.
DEPORTES, INCHABLES E CABALGATA
Do 26 ao 29 desenvolverase o ‘Torneo de Fútbol Sala de Nadal’ e o 31 para rematar o ano terá lugar a IX Carreira-Andaina “San Silvestre Solidaria”.
Os días 2, 3 e 4 de xaneiro de 2023 haberá unha Festa Infantil de Nadal con inchables no Pavillón Municipal de 16:00 a 20:00 h. e o 5 celebrarase a tradicional Cabalgata de Reis.
