Segundo datos que fixo chegar o Consorcio de Turismo Ribeira Sacra, da man da súa xerente, Alexandra Seara, a ocupación turística nas principais datas do entroido achegouse ao 60%, e por tipoloxía de aloxamento quedou do seguinte xeito:
- Hoteis 4 e 3 estrelas: 74 %
- Turismo Rural: 61%
- Vivendas Turísticas e de Uso Turístico: 44 %
- Outros aloxamentos: 54%
DETALLES DO BALANCE DE OCUPACIÓN
Cos datos recollidos ata o momento, di Alexandra Seara, “todo parece indicar que os hoteis de 4 e 3 estrelas recibiron reservas de última hora e foi a tipoloxía preferida polos visitantes nestes 4 días de ponte. O resto de establecementos mantiveron máis ou menos o nivel de reservas que tiñan o venres pasado”.
Seguindo con esta valoración positiva, a xerente engadiu que “as casas de turismo rural que están abertas por esta época recuperan nestes días porcentaxes de ocupación que nos trasladan a meses de tempada alta, coma setembro, e superan cifras doutras pontes recentes como a de decembro”.
