A subdelegada, acompañada da xefa da Unidade de Estadas na provincia, Beatriz González del Riego, informou informou en Quiroga, que para adaptar os túneles á normativa europea o Mitma actuará nos túneles de Neira, San Pedro, Doncos e Cereixal, cun investimento de 10,6 millóns de euros; e ten previsto comezar proximamente as melloras nos de Pedrafita, Trabadelo, La Escrita e Villafranca da mesma autovía, ademais das obras xa rematadas no túnel de Montefurado, na N-120, cun orzamento de 10,2 millóns de euros.
Informou a subdelegada de que o Goberno destina un total de 17,7 millóns de euros este ano para o mantemento e mellora da seguridade viaria estatal en Lugo. Con estes fondos realizaranse actuacións de mellora de firmes, interseccións, sinalización, balizamento, drenaxe e estruturas, así como os servizos de conservación e explotación ordinaria de estradas.
Durante a visita, Isabel Rodríguez puido comprobar o resultado dos investimentos do Mitma no túnel de Montefurado, na N-120, situado no concello de Quiroga. As melloras consistiron na renovación do sistema de iluminación e semafórico normal, de seguridade e de emerxencia; a dotación dun novo Sistema de Alimentación Ininterrompida (SAI); instalación de extintores de po polivalente e novo cableado resistente ao lume; sinalización horizontal e vertical nas saídas e nos equipamentos da vía, así como a restauración dos canelóns encargados de recoller as filtracións de auga da estrutura, entre outras actuacións.
Estes traballos na A-6 e N-120 enmárcanse nos 357 millóns de euros do Plan de Recuperación que inviste o Goberno para adaptar os túneles á normativa europea e para potenciar a protección da fauna e os usuarios vulnerables.
