IniciosociedadePresentado o viño dedicado ao Meco

Presentado o viño dedicado ao Meco

Foi o pasado venres 10 de marzo na Ermida, parroquia de Quiroga, lugar onde se asinou o convenio de colaboración entre a Asociación Souto do Val e a adega Casa de Outeiro.

Publicado o

POR
Redacción
- Advertisement -

O Centro Social da Ermida, en Quiroga, acolleu o pasado venres o acto formal e público onde se citaron a presidenta da Asociación Souto do Val, Begoña Losada, e o xerente de Casa de Outeiro, Juan Luis Vázquez. Tras explicar aos presentes como xurdiu, e en que consistirá este acordo, tamén interviron  Roberto Castro, en calidade de presidente do Xeoparque Montañas do Courel, Paloma Vázquez, xefa da Área Provincial de Turismo, e Pablo Rivera Capón, deputado provincial polo Psoe.

Momento no que falou Juan Luis Vázques da adega Casa de Outeiro. Foto: Cedida.
Mesa de autoridades no Centro Social da Ermida-San Vitorio / XdL

O acordo asinado permítelle a Casa de Outeiro o uso do nome do Meco e a adega comprométese a doar 0,05 euros por botella vendida á Asociación Souto do Val. A vixencia do mesmo é por 25 anos e os cartos obxecto de doazón serán empregados exclusivamente para gastos de investimento dedicados a preservar e promover a figura do Meco e As Pampórnigas así como a súa romaría na hora á Virxe dos Remedios –8 e 9 de setembro–.

A continuación fíxose un simulacro de romaxe coa danza do Meco e As Pampórnigas ata chegar ao atrio da Igrexa de Santa María da Ermida, lugar onde había un refrixerio e o viño que se presentaba: Meco Mencía, viño de romería. Os músicos do Recanto amenizaron o momento, no que todas e todos os presentes degustaron produtos da comarca regados polo Meco, o novo viño que acaba de nacer nas Terras de Quiroga e que lle gustou moito á xente.

As Pampórnigas xunto ao Meco. Foto: Cedida.
Intervención do Meco. Foto: Cedida

Nas etiquetas das botellas figura a imaxe do Meco e As Pampórnigas que retratou o artista gráfico Yoseba MP no mural feito por encargo da Asociación Quiroga en Marcha no centro de Quiroga, preto da igrexa e visible tamén dende a terraza do Bar A Botica.

ÚLTIMAS

Conta atrás para a ‘Feira Degustación da Tenreira Galega’ de Láncara

José Tomé amosou a súa satisfacción por contribuír dende a Deputación de Lugo a...

210.000€ para a mellora de tres estradas provinciais en Chantada e no Saviñao

No caso de Chantada, a Xunta de Goberno acordou licitar a mellor de dúas...

Fin de semana de Fam Trip na Ruta do Viño da Ribeira Sacra

A Ruta do Viño da Ribeira Sacra celebra do 24 ao 26 de maio...

O alcalde de Bóveda na creacion da Comisión de Políticas de Auga, Medio Ambiente e Economía Circular

O alcalde de Bóveda, José Manuel Arias, participou recentemente en Madrid na reunión da...