O Trece Roeis Fest retorna a Pantón os días 18 e 19 de agosto, aos 4 grupos anunciados no primeiro avance de febreiro, que eran Reincidentes, Catuxa Salom, Festicultores Troupe e Tregua súmanselle, neste segundo pero non derradeiro avance, a banda de rap sevillano SFDK, na súa única data confirmada nun festival galego neste 2023, ano que tamén coincide co lanzamento do seu novo traballo Inkebrantable.
A volta de Lamatumbá tamén se poderá gozar no festival pantonés despois de máis de 10 anos fóra dos escenarios. O ambiente festeiro de quen fixo un himno do licor café, non decaerá, pois os Monoulious DOP, que veñen de presentar o Disco Disko, tamén estarán no Trece Roeis Fest 2023. Súmanse ao segundo avance, as voces galegas de Sofía Espiñeira e Lucía Aldao e o grupo funk e gañador da Batalla de Grupos 13R, Enxeito, pechan o segundo avance do festival.
A venta de entradas está habilitada a través da súa páxina web www.treceroeisfest.com e, coma outros anos, ofrécese acampada libre e de balde. Coma noutras ocasións, o festival conta coa colaboración de: Xunta de Galicia, Deputación de Lugo, Concello de Pantón, Daveiga, Torre de Núñez, Gadis, Mahou, Regina Viarum, Rectoral de Amandi, Destilados N°0, Reizentolo e Abante.
