IniciosociedadeO Centro de Artesanía e Deseño formará a 16 futuros artesáns

O Centro de Artesanía e Deseño formará a 16 futuros artesáns

Ofreceranse 3 cursos de Ebanistería, Iniciación á Luthería e Iniciación á Encadernación. Estas actividades, abertas a todos os interesados, teñen por obxectivo a promoción de oficios tradicionais e artesanais.

Publicado o

- Advertisement -

Os cursos, para 16 persoas, desenvolveranse entre o 2018 e o 2019. O seu obxectivo principal é formar a futuros artesáns profesionais, que poidan obter a carta de artesán e abrir unha nova porta a afeccionados, así como a futuros profesionais do sector.

O curso de Iniciación á Ebanistería e o de Iniciación á Luthería, de 500 horas de duración cada un, comezarán o 12 de novembro e finalizarán o 6 de xuño e o 30 de abril de 2019 respectivamente. Dispoñen de 12 prazas, 6 prazas para cada curso. As sesións serán de luns a xoves, 9:00 a 14:00 horas para o de Ebanisteria, e de luns a venres, tamén de 9:00 a 14:00 horas para o de Luthería.

O curso de Iniciación á Encadernación, de 52 horas de duración, dispón de 4 prazas. Comezará o 11 de decembro e rematará o 7 de febreiro. As clases impartiranse, en horario de mañá, de martes a xoves de 10:00 a 13:30 horas

O prazo para as inscricións comeza este xoves 25 de outubro ata o 8 de novembro. A adxudicación de prazas será por rigorosa orde de inscrición. As persoas interesadas poderán facer as súas solicitudes a través da páxina web da Deputación, www.deputacionlugo.gal, premendo na área de cultura, na que se habilitará un banner para facer a reserva de prazas. Para obter máis información, pódese chamar ao teléfono 982 21 00 66 ou en info.centrad@deputacionlugo.org

 

ÚLTIMAS

Pablo Álvarez, con raíces en Sober, está na Antártida co Exército de Terra

Pablo Álvarez, que actualmente reside en Zaragoza por motivos laborais, estivo toda a súa...

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...