Con estas 5 novas incorporacións equipárase a delimitación territorial da entidade co binovo mapa de xeodestino aprobado por Turismo de Galicia o pasado ano e incorpóranse os Concellos integrados no BIC Paisaxe Cultural Ribeira Sacra.

Trala votación do Consello Reitor, tomaron a palabra a alcaldesa e os alcaldes dos concellos que se engaden ao Consorcio. Todos eles fixeron fincapé no agradecemento pola acollida nun xeodestino referente en Galicia que leva anos de traxectoria, con plena disposición a traballar e a poñer os recursos dispoñibles ao servizo do Consorcio. A palabra “sumar” foi o máis repetido nas súas intervencións, ademais da emoción.

O concello da Pobra de Trives, como anfitrión, convidou á artista, María do Ceo, que deleitou aos asistentes co himno á Ribeira Sacra.