Estes cortes débense ao inicio das obras de mellora na vía, entre os quilómetros 10,907 e 14,700, coas que se procederá ao fresado e posteriormente a executar o estendido de aglomerado en quente. 

Habilitaranse desvíos cada 200 metros que estarán debidamente sinalizados na zona. A duración dos traballos estímase en 10 días hábiles. A Deputación inviste preto de 113.000€ nesta actuación, adxudicada á empresa Fevisa Vías e Obras, SL.

Mellora da estrada principal de Vilademouros no Incio

O Presidente da Deputación de Lugo, José Tomé Roca, supervisou as obras de mellora da vía municipal que vertebra a parroquia de Vilademouros, no municipio do Incio, convidado pola asociación veciñal desta parroquia. A institución provincial financia estes traballos a través do Plan Único de Cooperación cos Concellos, desenvólvense en dúas fases cun investimento de 90.000€.   

José Tomé mantivo un encontro con veciños e veciñas de Vilademouros no propio local social do colectivo, que foi arranxado en diferentes anualidades coa colaboración da Deputación provincial, contribuíndo coa subministración de auga ou coa creación da pista deportiva.