O pasado día 28 de febreiro a empresa Kern Pharma presentou no Concello a solicitude para a licenza de obras dunha Planta de Inxectables que se vai a construir no Polígono do Reboredo en datas próximas. O concello deulle prioridade a esta solicitude, e en menos dun mes, concedeulle a licenza solicitada.
Para lograr este obxectivo, o Concello tivo que elaborar os informes técnicos pertinentes por parte do servizo de urbanismo municipal e tamén solicitar da Deputación de Lugo informes do servizo de Vías e Obras, en relación coa afección que puidera ter esta industria, dado que se sitúa no lateral da estrada provincial LU-P-3205 de Monforte de Lemos a Sober, por Neiras.
Tanto o informe municipal como o informe da Deputación, foron favorables e con data 27 de marzo, a Xunta Local de Goberno, aprobou conceder a licenza de obras de construcción da nova planta nos terreos situados no Polígono Industrial do Reboredo, parcelas 1C, 2C, 3C. O Concello, polo tanto conseguiu facer toda a tramitación en 28 dias naturais, licenza que xa lle foi comunicada á empresa e que permite executar este proxecto, que afecta á primeira fase da planta e co que se crearán sobre 50 postos de traballo. Agora convócase este Pleno Extraordinario e Urxente, para dar resposta á solicitude e poder declarar a concesión da bonificación mencionada.
O ICIO que lle corresponde a esta inversión ascende a 623.781,44€. O Concello de Monforte está acreditado como Concello Emprendedor, e sempre que se implantan ou se amplian empresas que superan a creación de 6 postos de traballo, bonifícase o ICIO (licenza de obra) no 95%, cando soliciten a licenza de actividade, é dicir que o Concello bonificará a licenza nun importe de 623.871,44 € polo que a empresa Kern Pharma terá que pagar pola licenza de obra a cantidade de 31.193,58€.
O concello tamén vai bonificar durante 3 anos o 95% da IAE e o 95% do IBI tal e como está recollido na Ordenanza Municipal aprobada con este Alcalde, para facilitar a implantación de novas industrias e a ampliación das existentes, ligadas á creación de emprego.
Cando nos próximos meses Kern Pharma inicie as obras da nova Planta de Inxectables, “producirase un antes e un despois no tecido industrial de Monforte, que afectará a toda a comarca, e que vai contribuir ó crecemento do tecido industrial do Polígono”, sinalan desde o concello de Monforte.
