Iniciosociedade300 personas inscritas na Primavera de Portas Abertas na Ruta do Viño...

300 personas inscritas na Primavera de Portas Abertas na Ruta do Viño da Ribeira Sacra que se celebra do 26 ao 28 de maio

Durante cinco fins de semana, do 5 de maio ao 4 de xuño celébrase a Primavera de Portas Abertas nos Roteiros do Viño de Galicia. No Roteiro do Viño da Ribeira Sacra as actividades desenvolveranse entre o 26 e o 28 de maio.

Publicado o

POR
Redacción
- Advertisement -

Para as actividades que organiza a Ruta inscribíronse 300 persoas. Por primeira vez os buses do viño saen desde Vigo e A Coruña, ademais das saídas desde Ourense, Lugo e Monforte de Lemos. Durante estes 3 días contarase tamén con roteiros que nos levarán a coñecer os aceites de Quiroga, a senda PR-G 180 Roteiro da Cubela, o románico de Pantón e Sober e a navegar polo Miño e o Sil con catas en adegas.

Ademais da actividade tapas e viños, comézase este venres coa proposta da sommelier, Mercedes González, “Cata de Viños e conservas, parellas sumamente pracenteiras”, que terá lugar no Centro do Viño da Ribeira Sacra o 26 de maio a partir das 19.30

Para completar a programación nesta Primavera de Portas Abertas, os máis novos terán tamén o seu espazo gratuíto para talleres infantís que se desenvolverán o día 27 en horario de mañá na casa da cultura de Chantada.

Na programación de Primavera de Portas Abertas, ademais destas propostas organizadas desde a Ruta do Viño de Ribeira Sacra haberá outras actividades especiais nos establecementos asociados. Contarase con visitas guiadas e gratuítas ás adegas: Adega Vella, Amedo, Adega Ribada, Casa Moreiras, Condado de Sequeiras, Adega Finca Míllara, Ponte da Boga, Proencia, Rectoral de Amandi, Ronsel do Sil, Val de Quiroga e Vía Romana. Ao finalizar as visitas ofreceranse degustacións de viños.

Haberá descontos nas visitas ao Centro de Interpretación do Viño da Ribeira Sacra que se farán o venres 26, sábado 27 e domingo 28 de maio, ás 12.30 e ás 18.00 h. O Ecomuseo de Arxeriz fará visitas o venres 26, sábado 27 e domingo 28 de maio, de 11.00 a 14.00 e de 17.00 a 20.00 h. Tamén o Museo Etnográfico de Quiroga fará visitas o venres 26, sábado 27 e domingo 28 de maio. O 27 e 28 de maio, previa reserva, haberá Roteiros Guiados en Segway pola Ribeira Sacra de 11.30 a 18.00 e Quinta Sacra organizará paseos en barca. Tamén os aloxamentos Casa das Xacias e Hotel Mogay en Chantada ofrecen descontos e packs especiais durante toda a fin de semana.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...