A mediometraxe “Os Camiños do Neno Labrego” recorre as entornas vitais de Xosé Neira Vilas en Gres (Vila de Cruces), nun primeiro período ata os 21 anos, como á volta da emigración arxentina e cubana coa súa compañeira Anisia Miranda; desde a casa do Romano natal ata as paisaxes dos nenos dos seus libros, que eran tamén as súas: As Insuas, a casa nova, a ponte románica, o Resío, casa do Castelo, cemiterio, a escola, a serreira de Pardo…

As paisaxes de Pepe Neira son tamén as de Balbino, o protagonista de “Memorias dun Neno Labrego”, o libro con máis edicións da literatura galega, con máis de 700.000 copias en multitude de idiomas de todo o mundo, o que o fai ser o gran best seller en idioma galego.

Ao remate da proxección, o alumnado intercambiou opinións co director e con Olga Novo, súa profesora de Galego, sobre o autor e a Fundación Neira Vilas.

“Os Camiños do Neno Labrego” no IES A Pinguela / IES A Pinguela