O pasado luns 5 de xullo comezaban os campamentos de verán para este 2023 con preto dun cento de nenos e nenas matriculados. Divididos en catro aulas dependendo da idade os nenos e nenas repártense entre as instalacións da Casa da Cultura, Ludoteca, Centro Social e piscina.
Desenvolveranse actividades axeitadas á idade dos participantes coa finalidade de poñer a disposición de pais e nais traballadores unha alternativa para poder conciliar a vida laboral coa familiar.
Xogos, obradoiros, manualidades, deportes ou xogos na piscina son algunhas das actividades que acollen os campamentos que se desenvolverán ata o 31 de agosto en horario de 10:30 a 13:45 h, de luns a venres. Este último punto, o dos horarios, é a primeira novidade desta tempada xa que a cativada entra media hora antes e sae tamén 15 minutos antes.
