O novo alcalde de Taboada analiza con Isabel Rodríguez as necesidades do concello

A subdelegada do Goberno en Lugo, Isabel Rodríguez, reuniuse este martes co alcalde de Taboada, Roi Regueira, co que repasou as principais necesidades deste municipio da zona sur da provincia.

Roi Rigueira e Isabel Rodríguez / Subdelagación do Goberno

Na primeira visita institucional que efectúa á Subdelegación do Goberno o novo rexedor de Taboada, Isabel Rodríguez e Roi Regueira aproveitaron para analizar as posibilidades de colaboración entre as dúas administracións e abordaron os temas referidos a seguridade. Ambos responsables públicos coincidiron na necesidade de manter unha boa relación e coordinación entre ambas as institucións que redunde en beneficio dos veciños e veciñas de Taboada.

Nesta liña, Isabel Rodríguez trasladou a plena disposición da Subdelegación co Concello de Taboada naqueles asuntos que son competencia do Executivo Central. Así, estudaron a situación dos accesos da N-540 e a súa travesía polo municipio, e acordaron planificar a próxima convocatoria da Xunta Local de Seguridade Cidadá.

Ademais, a subdelegada aproveitou o encontro para informar ao alcalde sobre os programas do Goberno dispoñibles en materia de vivenda, transición ecolóxica, acceso a banda ancha e administración pública.

DEIXAR UN COMENTARIO

Please enter your comment!
Please enter your name here