Aseguran desde o sindicato Omega que, antes da concentración a CIG mandou un correo a todos os traballadores que dicía o seguinte: “Cig-saúde convocou a pasada semana unha asemblea co persoal do hospital. Unha das cousas que nos pediron foi que convocaramos á Xunta de persoal para que se uniran á nosa proposta de concentración. Esa reunión tivo lugar hoxe, estivemos presentes, UGT, CSIF, USAE E CIG-Saúde. Estes sindicatos súmanse á concentración. CCOO, OMEGA e SATSE, non viñeron á reunión. Lembrámosvos que a concentración terá lugar este xoves día 20, ás 12 horas, diante do hospital.”

Víctor Manuel López remite un comunicado no que afirma que non acudiu á asemblea por motivos persoais xustificados que os convocantes da xunta coñecían e insiste en que participou da concentración como se recolle nas fotografías da concentración. “Entendemos que todos os sindicatos defendemos a sanidade pública, e que non se deben alentar afáns de protagonismos nesta defensa”, conclúe.