Este luns presentouse unha nova edición do festival Carude Rock, que se celebrará no barrio de Carude da cidade do Cabe este venres, 4 de agosto, a partir das 20:30 horas.

O obxectivo do Carude Rock, un festival que conta co apoio do Concello de Monforte é, en verbas do alcalde, José Tomé “ser un bo escaparate para os  grupos da nosa bisbarra, e que poidan darse a coñecer ante o público. E ademais, suporá unha importante actividade para o barrio de Carude, que esa noite estou seguro recibirá a centos de visitantes.” O Concello subvenciona o festival cunha axuda de 4.000 euros.

Os distintos concertos serán de balde desde as 20:30 na praza de Carude coa actuación de:

• Extraños
• Poet’s Silence
• El Tren, Tributo a Rosendo
• Ruxe Ruxe