O venres 11 de agosto comezarán as actividades da XXVI Festa da Rosca, mel e outros produtos da Ribeira Sacra coa inauguración ás 18:00 h. do V Túnel do Viño de Amandi –acceso 3 euros– e unha actuación musical. Ás 21:00 h. o grupo Boroa levara a escena o espectáculo “O’ Clásico Fol”.
De cara ao sábado 12, día grande do evento, ás 10:00 lanzaranse bombas de palenque para anunciar a apertura de postos e ás 11:00 h. haberá unha demostración de traballos en madeira tallada e torneada a cargo da Asociación de Amigos da Madeira das Pontes.
Entre as 11:00 e as 13:00 h. desenvolverase un obradoiro de Fieltro para todos os públicos da man de ‘Ovella viva’.
Continuando co programa ter en conta que ás 11:15 actuarán ‘Os monifates’ e ás 12:00 a Banda de Acordeóns ‘O Folión’ da agrupación Os Xograres de Lemos.
A tradicional degustación de Rosca de Sober con Queixo será ás 13:00 h. e calcúlase que se repartirán unhas 2.000 racións.
O Túnel do Viño, no que haberá 45 referencias e 25 adegas participantes, estará aberto nesta última xornada festiva entre as 11:00 e as 15:00 h. O recinto feiral contará con 13 stands con produtos, podendo atoparse tres postos de roscas, dous de olería, dous de mel, dous artesáns, a firma Cachenas de Pantón, a Librería da Proencia, Caurelor e Helados Xeou.
