Obradoiro en Quiroga para a capacitación dixital da cidadanía

A aula Cemit acollerá o 7 de setembro en horario de 10:00 a 14:00 unha actividade organizada polo Colexio Profesional de Enxeñería en Información de Galicia, no marco do convenio de colaboración coa Axencia para a modernización tecnolóxica de Galicia.

Creando unha web mediante Wordpress usando un ordenador portátil

Este obradoiro vai dirixido a persoas de tódalas idades, trátase dunha aula interxeracional para a inclusión dixital. A actividade consiste nun obradoiro creativo sobre o equipamento disruptivo para a capacitación dixital da cidadanía. Trataranse temas como o uso de drons, impresión 3d, robótica e gafas de realidade virtual.

O obxectivo do curso é perderlle o medo ás novas tecnoloxías e entender o máis importante delas, polo que resultatá de especial interese para as persoas maiores, que recibirán formación personalizada para que se entenda todo o que se explica.

O obradoiro creativo terá lugar o 7 de setembro na aula Cemit de Quiroga en horario de dez da mañá ás dúas do mediodía. Dado que hai prazas limitadas, as persoas interesadas en participar deben de anotarse canto antes, a través do teléfono 982 43. 51 .25 ou na Casa da Cultura persoalmente.

DEIXAR UN COMENTARIO

Please enter your comment!
Please enter your name here