O Programa Activa diríxese ós veciños e veciñas de Monforte para “promover o envellecemento activo e mellorar a calidade de vida das persoas maiores”. Búscase promover o benestar bio-psico-social das persoas maiores, promover a socialización e a participación social, habilitar espazos de encontro interxeracionais, evitar as situacións de illamento e soidade das persoas maiores, e dinamizar as zonas rurais do Concello.
No Programa Activa dáse prioridade de participación ós maiores de 55 anos, que son os que máis precisan deste tipo de actividade para volver á normalidade, e gozar dunha vida máis saudable e independente. Tamén se ofertarán actividades interxeracionais, dirixidas a persoas maiores de 16 anos.
Este ano aumenta tamén o número de prazas nas actividades máis demandadas e consolidas, suma 23 ata un total de 533. A tenente de alcalde, Glorira Prada, destaca que “ofertamos novas actividades como ioga, informática básica, bailes de salón e costura básica. Incrementamos as prazas na actividade de competencias dixitais para uso cotiá e bailes caribeños establecendo varios niveis así como na actividade de ximnasia de mantemento para maiores”.
Como en anos anteriores, todas as actividades son gratuítas para os veciños e veciñas de Monforte, e están subvencionadas ó 100% polo Concello monfortino. O prazo de inscrición tanto para actividades no Centro Cívico como nas parroquias permanecerá aberto dende este luns, 11 de setembro, e ata o 29 de setembro, ambos incluídos.
Actividades no Centro Cívico e nas parroquias
No Centro Cívico, o Concello destina un total de 353 prazas, que son 53 máis que na edición anterior, distribuídas en 19 grupos. A oferta de actividades deste Centro Cívico divídese en dous grupos:
–Actividades de envellecemento activo, dirixidas a persoas maiores de 55 años:
- Ximnasia de mantemento, 2 grupos, 48 prazas.
- Ximnasia acuática, 2 grupos, 30 prazas.
- Ioga, 1 grupo, 20 prazas.
- Conservando a memoria, 2 grupos
- Competencias dixitais para uso cotián, con dos niveis: iniciación (2 grupos) e perfeccionamento (1 grupo), 36 prazas.
- Informática básica, 1 grupo, 20 prazas.
- Bailes de Salón, iniciación 1 grupo, 30 prazas.
- Manualidades, 1 grupo, 45 prazas (entre os 3 grupos totais).
–Actividades interxeracionais, dirixidas a persoas maiores de 16 años:
- Manualidades, 2 grupos, 45 prazas (entre os 3 grupos totais).
- Bailes Caribeños, con dos niveles: iniciación (1 grupo) e perfeccionamento (2 grupos), 48 prazas.
- Costura creativa, 2 grupos, 24 prazas.
- Costura básica, 1 grupo, 12 prazas.
Reservaranse prazas para persoas con discapacidade en cada unha das actividades e no caso de que estas persoas necesiten axuda durante o desenvolvemento da actividade poderán ir acompañadas doutra persoa.
Nas parroquias, o número de prazas ofertadas é de 180, están dirixidas ás persoas veciñas de cada parroquia, e inclúense as actividades máis demandadas por aquelas, que son:
- Conservando a memoria
- Manualidades
- Costura creativa
- Costura básica
- Ximnasia de mantemento
- Bailes de Salón
- Bailes Latinos
As persoas interesadas en participar nas actividades do Centro Cívico deberán presentar a súa solicitude, segundo o modelo normalizado, no Rexistro Municipal do Concello, na Secretaría de Servizos Sociais ou a través da Sede Electrónica municipal (sede.monfortelemos.es). Cada persoa poderá solicitar e participar nunha única actividade, salvo que queden prazas vacantes nas actividades posteriores á súa adxudicación.
A solicitude deberá ir acompañada da seguinte documentación:
- Documento de identidade (DNI, NIF, pasaporte).
- Certificado de empadroamento.
- Certificado de discapacidade, se é o caso.
A solicitude pode ser individual ou conxunta. Neste último caso, o Concello quere favorecer a participación de persoas con relación familiar na mesma actividade.
No caso das actividades das parroquias, os pedáneos poderán solicitalas, no prazo establecido, ós representantes das parroquias, e é necesario que dispoñan dun local social en condicións adecuadas para o desenvolvemento da actividade.
Os interesados en participar na actividade concedida deberán dirixirse ó pedáneo ou pedánea da parroquia para que procedan a anotalos na actividade. O prazo estará aberto ata completar as prazas ofertadas en cada actividade.
A adxudicación das prazas do Centro Cívico farase por sorteo entre as solicitudes recibidas para cada actividade, unha vez rematado o prazo de solicitude e diferenciando prazas ordinarias e prazas para persoas con discapacidade. Para iso, asignarase un número para participar no sorteo por cada solicitude recibida.
