Segundo informan desde o concello, nalgúns casos é necesario ter que volver a chamar ó cidadán, debido ós cortes que se producen nas conversas, polo que dende o concello rógase desculpen as molestias que se poidan ocasionar debido a este problema.

Neste senso, o alcalde, José Tomé, aclara que estas incidencias nos cortes das chamadas son un problema alleo á administración local. Segundo o informe emitido pola compañía telefónica R, concesionaria do servizo, ó parecer “trátase dun problema masivo que está afectando a varios operadores e que se detectou en capas moi altas nos puntos de interconexión entre eles”. Deste xeito, o problema está a afectar a outros concellos e administracións públicas, así coma empresas e outras entidades.

Segundo informan dende a operadora o problema é complexo,non se trata dunha avaría corrente, e séguese a traballar na súa solución, debido a que a lista de afectados é considerable.