Dende a Biblioteca Municipal de Sober desenvólvense durante este mes unha serie de propostas para público infantil e adulto que participa do Club de Lectura Pintor de Castinande e das Merendas con Contos.
A actividade principal será “AS BIOGRAFÍAS DA BIBLIOTECA: @EL HEMATOCRÍTICO”. Escríbese unha biografía de Miguel López (A Coruña, 1976 – Vigo, 2023), mestre de profesión, aínda que destacou polo seu labor como autor de libros infantís. Os nenos e as nenas de Merendas con Contos farán a presentación deste traballo, o día 19 de abril.
O Día do Libro (23 de abril) o Club de Lectura realiza unha visita a Celanova para coñecer a Fundación Curros Enríquez. O día 24, todas as persoas que visiten o Centro Sociocultural de Sober, poderán levar como agasallo un libro. Rematarase o día 26 co tradicional Mercadiño de Libros, xestionado polos nenos e nenas das Merendas con Contos.
Ademais, na Biblioteca estarán expostas durante o mes de abril as Mostras Bibliográficas de H. C. Andersen e de El Hematocrítico.
