Eugenio Linares, asturiano e veciño de Tuiriz, no Concello de Pantón, realizou hai uns días unha exhibición de talla en madeira no IES A Pinguela. O artista plástico demostrou as súas habilidades de escultor coa motoserra diante da comunidade educativa que puido seguir o proceso creativo en vivo.

O traballo deste artista plástico rematou coa elaboración dun moucho lector “que inspirará aínda máis a sabedoría no noso alumnado”, dicía con satisfacción o director, Enrique Sampil.

A obra rematada, “totem académico” en palabras de Sampil, forma parte do xardín botánico do centro educativo.