HomesociedadeO Xeoparque Montañas do Courel ofrece un posto de traballo

O Xeoparque Montañas do Courel ofrece un posto de traballo

Vén de iniciar un proceso aberto para a contratación dun/dunha titulado/a superior, rematando o 4 de xuño o prazo para presentar solicitudes.

Publicado o

POR
Redacción
- Advertisement -

O Xeoparque Mundial da Unesco Montañas do Courel busca persoal propio asalariado, un desexo que vén de vello e que non se puido materializar ata o de agora.

A noticia chegou estes días coa publicación en redes sociais e nos taboleiros dos concellos do Xeoparque, Folgoso do Courel, Ribas de Sil e Quiroga, do anuncio dun proceso aberto para a contratación dun titulado superior, do ámbito das ciencias, que terá a súa base de traballo no Centro de Interpretación da Minería Aurífera Romana (CIMAR) de Ribas de Sil, pero que tamén se poderá desprazar ao Museo Xeolóxico de Quiroga, o das covas de Meiraos ou a Estación Científica de Seoane.

O traballador ou traballadora terá entre as súas funcións o desenvolvemento de actividades divulgativas, promocionais e turísticas; colaboración coa xestión do Xeoparque, elaborando informes e memorias; desenvolver programas educativos, recursos e contidos para a web, redes sociais e medios de comunicación; participar en proxectos nos que tome parte Montañas do Courel e asistencia a programas científicos, xuntanzas e visitas insitucionais ao Xeoparque.

As solicitudes só se poden presentar por vía electrónica e no enderezo electrónico seguinte: info@ribeirasacracourel.es incluíndo o Currículum Vitae, carta de motivación, e copia da
documentación acreditativa do cumprimento dos requisitos básicos e dos méritos específicos sobre a súa formación e experiencia. O prazo para presentación de solicitudes remata ás 23:59 horas do vindeiro martes 4 de xuño.

O contrato é indefinido e o salario situarase de inicio nos 32.000 euros brutos ao ano.

Para coñecer todos os detalles pódese acceder ás BASES completas da convocatoria.

VISITA A SILLEDA

Con motivo da Semana Verde de Galicia, e concretamente do Turexpo Galicia 2024 en Silleda, veciñas e veciños do Xeoparque Montañas do Courel estiveron este venres 31 de maio visitando o recinto expositivo. Foi unha excursión organizada polo Xeoparque Montañas do Courel en colaboración cos concellos integrantes.

Foto nos stands dos concellos do Xeoparque. Foto: Xeoparque Montañas do Courel.

ÚLTIMAS

Torre da Homenaxe en verde este 21 de xuño no Día Mundial da ELA

Como xesto simbólico e en sinal de apoio ás persoas con ELA (Esclerosis Lateral...

Quiroga formará a traballadores de atención a persoas con dependecia e axuda no fogar

O ISSGA, Instituto de Seguridade e Saúde Laboral de Galicia, no seu Plan de...

Este 21 de xuño preséntase no Auditorio de Chantada o proxecto do Museo Manuel Jorge

A xornada incluirá un coloquio e unha visita ao edificio que albergará o museo,...

286.000€ para a mellora do Aeródromo das Lamas en Monforte

Asfaltarase o firme da pista de voo a través de aglomerado en quente e...