A Deputación de Lugo ofrece un total de 23 empregos aos recentemente titulados en FP e grao impartidos na provincia de Lugo e que non conten con experiencia laboral. Son contratos en prácticas para traballar no propio organismo provincial durante un máximo de 2 anos.
Os requisitos para participar neste proceso de selección pública son; no caso de ter máis de 30 anos, ter rematados os estudos de FP ou Grao nos últimos 5 anos (non antes de 2013) dos perfís que se ofertan e non ter experiencia laboral sobre estas profesións . Os menores de 30 anos só terán que acreditar que non teñen experiencia laboral sobre o emprego ao que optan.
Os interesados poden inscribirse, ata o 3 de decembro, nos procesos de selección pública para os seguintes perfís laborais/empregos:
- Técnico superior en desenvolvemento de aplicacións web
- Graduado en administración e dirección de empresas
- Técnico superior en administración e finanzas
- Técnico superior en administración de sistemas informáticos en rede
- Técnico superior en asistencia á dirección
- Técnico en fotografía
- Técnico en márketing e publicidade
- Técnico en deseño gráfico
Este mércores publicaranse no BOP a convocatoria e abriranse as solicitudes para os seguintes perfís/empregos e abriranse as solicitudes.
- Enxeñeiro topógrafo
- Ciclo superior de xestión forestal e medio natural
- Enxeñeiro agrónomo
- Técnico en electromecánica de vehículos
Máis información chamando ao 982-260-106 ou en www.deputacionlugo.gal.
