Para realizar as inscricións os interesados deberán dirixirse á Secretaría do Edificio Multiusos en horario de mañá entre as 10:00 e as 13:00 horas. Tamén é posible a inscrición a través da Sede electrónica do Concello, no apartado “Meus trámites”.
As especialidades que se ofertan en música a partir dos 6 anos:
- Percusión Moderna: batería, bongós,…
- Percusión tradicional galega: pandeireta, tamboril, bombo e pandeiro.
- Teclado
- Violín
- Guitarra, Ukelele
- Gaita, Clarinete, Frauta, Saxofón
- Trompa, Trompeta, Trombón de varas, Tuba/Bombardino
- Canto Coral
- Canto tradicional galego: canto con pandeireta
- Linguaxe musical
En música, a ensinanza instrumental completarase con clases de linguaxe musical, así como participación en grupos colectivos que se organicen na Escola.
As especialidades ofertadas en Danza son:
- Danza tradicional galega: a partir de 5 anos.
- Danza contemporánea / moderna: a partir de 9 anos.
- Ballet clásico: a partir de 5 anos.
As clases de danza ofertadas contarán cunha didáctica máis académica centrada nas técnicas do desenvolvemento da estabilidade, a rotación, a liña, a expresión…, atendendo ós principios básicos imprescindibles para unha correcta aprendizaxe. Levarase a cabo unha orientación, si é o caso, cara un ensino de carácter profesional cando as aptitudes e a vocación do alumno/a así o aconsellen. Formaranse así grupos colectivos por niveis e idade nas 3 modalidades de danza.
Dende o Concello de Monforte inténtase desta forma consolidar, con todas estas especialidades, unha oferta ampla e variada para a escola, tanto en música como en danza.
