Dez alumnos e profesores do IES A Pinguela veñen de viaxar á localidade italiana Deruta para participar co Liceo Artistico “Alpinolo Magnini” nun proxecto Erasmus+ conxunto sobre noticias falsas que solicitaran xa en 2023.
Segundo informa o director, Enrique Sampil, “foi unha semana intensa de traballo que desenvolvemos con 1º de Bacharelato Ciencias e Humanidades na preciosa vila de Umbria e tamén de aproveitar momentos de vagar e fins de semana para coñecer Perugia e unha pequecha parte do rico patrimionio desa rexión como Todi, Spello e Assisi, e tamén de Siena e Florencia na Toscana italiana”.
Dende o centro de ensino monfortino agradecen o recibimiento do Liceo Artístico “Alpinolo Magnini”, en especial da súa directora Isabella Manni, e dos profesores que tan xentilmente se ofreceron a participar nas actividades realizadas: Vanessa Sperandei (directora académica), Elisabetta Santi (directora administrativa), Irene Balduani, Martina, Silvia Caponi, Valentina, Giovanni Stovali, Andrea Michelsanti, Benedetta Salterini e Armida Elizabeth.
A actividade xerou novos lazos de afecto e amizade que, en palabras de Sampil, “seguro depararán outros encontros e outros proxectos en Monforte e en Deruta”.
