Poden participa do Coworking persoas de todas as idades que teñan en mente un proxecto de emprendemento en calquera área. No espazo Coworking, ubicado nas instalacións de Expolemos, os participantes recibirán asesoramento e un apoio integral para poder poñer en marcha as súas empresas.

O espazo Coworking ofrecerá asesoramento de balde durante 5 meses, aproximadamente. O programa está concibido para emprendedores que aínda non constituísen a súa empresa, pero ademais, poderán participar as persoas que estean nunha fase inicial de desenvolvemento do seu proxecto. Para máis información ou inscricións poden dirixirse á oficina da axente de desenvolvemento local do concello de Monforte, nas Casitas da Compañía ou a través do seguinte enlace.

O Alcalde, José Tomé Roca, lanza unha mensaxe para animar á xente a presentar as súas propostas: “a aceleradora de empresas vai ser unha moi boa oportunidade para impulsar novos proxectos na nosa comarca. Nun momento como o actual, precisamos máis que nunca ideas que permitan xerar novos postos de traballo”.