Acción contra a Fame comeza o curso en Monforte cun novo ciclo de catro talleres prácticos e gratuítos dirixidos a persoas que teñan unha idea de negocio ou un proxecto en marcha e que queiran dar os primeiros pasos para facelo realidade.
As sesións desenvolveranse na Escola Oficial de Idiomas de Monforte de Lemos, en horario de 10:00 a 13:00 horas, e contarán con prazas limitadas. A inscrición xa está aberta a través da ligazón https://bit.ly/ideamonforte.
Programa de talleres
- Martes 16 de setembro · A túa idea pode converterse nun negocio?
Encaixe legal, forma xurídica e trámites de constitución.
- Martes 30 de setembro · Conta a túa idea
Como construír unha marca que fale por ti e conecte coa xente.
- Xoves 2 de outubro · Que non te asusten os números
Introdución ás nocións básicas de contabilidade.
- Xoves 9 de outubro · Reforza a túa identidade de marca
Aprende a empregar Canva para crear contido visual atractivo.
Este ciclo de talleres enmárcase no proxecto Comunidades de Emprego e Emprendemento rural sostible, financiado polo Fondo Social Europeo Plus (FSE+) e a Fundación MAPFRE, co obxectivo de impulsar o talento emprendedor e apoiar a creación de proxectos viables no medio rural.
Para máis información e inscricións poden chamar ao 648 16 68 48 ou entrar na seguinte ligazón: https://bit.ly/ideamonforte
