A empresa adxudicataria foi CHOLO SL e os traballos afectarán á totalidade da vía. As obras consistirán na reapertura de cunetas, no afirmado co estendido do aglomerado en quente, no pintado da vía e na reposición da sinalización vertical. O prazo de execución unha vez comecen os traballos será dun mes.

Este venres a Xunta de Goberno tamén adxudicou por 60.500€ o lote 2 do contrato de equipamento que corresponde ao material de hostalería para o restaurante e a cafetería do complexo de Augas Mestas. A empresa adxudicataria é JELU HOSTELERÍA SL e o prazo máximo de entrega será de dous meses desde o comezo dos traballos.

Este paquete inclúe tanto mobiliario e maquinaria de cociña —como forno de gas, cheminea ou lavalouzas— así como elementos para dotar e acondicionar o comedor, entre eles mesas, cadeiras ou taburetes. Ademais, todos os produtos incluídos neste lote terá unha garantía de cinco anos.

García Porto avanzou que “o lote 1, que afecta a mobiliario en xeral, equipamento de piscina, vestiarios ou material para os bungalows está en proceso de contratación” e fixo especial fincapé en que a institución provincial “segue avanzando para que os veciños e veciñas da provincia poidan volver desfrutar destas instalacións situadas nun paraxe de gran beleza como é a beira do Río Sil, en Quiroga”.

Tamén se aprobaron os trámites para o pago de varias subvencións en Quiroga á Asociación de Veciños Cultural e Deportiva de Novaes e Sequeiros que acondicionará un  camiño; e a Asociación de Veciños de Chaos de Bendollo parsa melloras nas captacións existentes. En Ribas de Sil a Agrupación de Veciños de Castro de Abaixo construirá un depósito de auga. En Folgoso do Courel a Asociación Veciñal, Cultural e Medioambiental Os Entaladoiros acondicionará o local social da antiga casa escola de Mercurín.