Aseguran desde CIG Saúde que levan meses denunciando a falta de man esquerda da Dirección do centro para negociar con dúas pediatras que collían praza no centro, “estas pediatras finalmente non colleron a praza en Monforte. Despois de falar con Dirección, preferiron quedar sen praza antes que vir traballar aquí”.

Segundo o sindicato, o Hospital de Monforte conta na actualidade con dúas pediatras, unha delas xubílase, o 28 deste mes, co cal quedará unha soa, “Isto é absolutamente inviable. A pediatra que se xublia está vindo a traballar 2 días á semana polo que case todo o traballo recae sobre a outra, que vén facendo entre 9 e 12 gardas o mes, sen librar ao día seguinte e tendo que atender a planta o paritorio, as urxencias e a consulta”.

Califican esta situación de inasumible e esta profesional atópase de baixa, “co cal a pediatría no H.P de Monforte conta cunha pediatra que se xubila o día 28 e outra que está de baixa”.