Trala multitudinaria Cabalgata que sementou ilusión polas rúas monfortinas o pasado luns, as Súas Maxestades dedicaron a xornada festiva aos usuarios/as destes centros, cos que compartiron un tempo de conversa e acompañamento, ademais de repartir caramelos.

Persoal do Concello de Monforte encargouse dos desprazamentos para que os Reis puideran visitar os diferentes centros, percorrendo ao longo da tarde a Residencia Asimédica Virgen de la Luz, Residencia de Maiores do Malecón, Hogar San José Hermanitas de los Ancianos Desamparados, Domus Vi e Prodeme.