Ana Torrado Martínez, alumna do Ciclo Superior de Aloxamentos Turísticos do IES Río Cabe, dá o salto dende a aula á televisión, participando actualmente no programa “Allá Tú” de Telecinco. Este programa ten unha traxectoria de case dúas décadas e dende 2026 Juanra Bonet lidárao como presentador.

Emítese diariamente dende as 20.00 horas de luns a domingo, no que esta monfortina participa dende o pasado martes 24. O concurso regresa ademais con cambios, no que destaca a presenza dun familiar “sorpresa” e tamén dunha caixa “negra”, que contén un importe segredo ata ese momento.

“É para nós un orgullo ver como o noso alumnado afronta novos retos e vive experiencias enriquecedoras máis alá das aulas. Dende o IES Río Cabe enviámoslle todo o noso apoio e os nosos mellores desexos. Agardamos que goce ó máximo desta aventura e que teña moitisima sorte na súa participación representando a toda a nosa comarca”, aseguran desde o centro.