A 13º edición deste concurso ten por lema “PLUS ULTRA. La audacia que cruza horizontes”. Hai case cen anos, catro valentes aviadores españois cruzaron o Océano Atlántico no hidroavión Plus Ultra, voando desde España ata Sudamérica.
Nunha época na que os avións eran fráxiles e voar era extremadamente arriscado, demostraron que con esforzo, traballo en equipo e gran entusiasmo pódense superar grandes desafíos. Estes son os valores fundamentais que definen ós que forman parte das Forzas Armadas, e estes son os valores que se queren transmitir a través deste concurso.
Foi unha oportunidade para que o alumnado investigase e, a través das súas cartas, rendesen unha merecida homenaxe ós aviadores que coas súas fazañas colocaron a España no escenario da aviación mundial, e poder escribir sobre este voo pioneiro e os valores que este acontecemento histórico destacou: a perseveranza, a camaradería e o desexo de ir máis alá.
Desde o IES A Pinguela felicitan tamén a Ángela por este primeiro éxito, e deséxanlle moita sorte na fase nacional do concurso.
Ángela Álvarez no concurso literario / IES A Pinguela
