Esta incorporación prodúcese unha vez finalizado o período de formación teórico-práctica que os novos axentes realizaron na Academia Galega de Seguridade Pública da Estrada e na cidade de Monforte. Esta formación desenvolveuse de xaneiro a xuño do presente ano na citada Academia, e de xullo a setembro no Concello de Monforte.

O pasado venres, ao acto de finalización do curso da 18 Promoción de Policías dos Corpos da Policía Local de Galicia, da que forman parte os dous novos axentes, sumábase a entrega de Condecoracións ao Persoal destes Corpos. O Inspector xefe da Policía Local de Monforte, Miguel Martínez, recibiu un recoñecemento aos seus 35 anos de servizo.

Acompañado pola Tenente Alcalde, Gloria Prada; o oficial Néstor Álvarez, e o Secretario do Concello, José Antonio Mourelle Cillero, o Alcalde departiu cos novos axentes e desexoulles sorte nesta nova etapa ao servizo da cidadanía de Monforte.