Ás 07:56 horas da mañá do xoves, día 06 de febreiro, por comunicación do servizo de emerxencias 112 informando da existencia dun accidente de circulación, a patrulla de servizo acudíu á rúa Dr. Casares atopando que un vehículo que circulaba pola mesma en sentido centro cidade, nas proximidades do cruce con rúa San Pedro e Ronda María Emilia Casas Baamonde, impactou por alcance contra outro que se encontraba detido no semáforo que regula o tráfico no cruce esperando que a luz vermella que lle afectaba cambiase a verde para continuar a marcha.
A consecuencia do impacto resultou lesionada a conductora do vehículo que se encontraba detido no semáforo, un turismo Renault Megane, (M.F.S., de 43 anos e veciña de Monforte) que foi trasladada o Hospital Comarcal.
Pola patrulla actuante levantóuse atestado polo accidente e obtívose un resultado positivo de 0,70 mg/l de alcol en aire espirado na primeira mostra e 0,64 na segunda proba, que se lle realizou ao condutor do vehículo turismo Renault Clio que impactou contra o anterior (C.O.F. de 24 anos e veciño de Monforte).
Instruíronselle dilixencias penais como investigado por delicto contra a seguridade do tráfico por conducción superando a taxa establecida, que se trasladarán ao Xulgado de Garda, e inmovilizouse o vehículo que foi trasladado ao depósito municipal. Ao mesmo implicado tamén se lle formulou denuncia administrativa por circular cun vehículo carecendo de seguro obrigatorio.