Un mozo de 22 anos resultou falecido este venres nun accidente de tráfico rexistrado no municipio lucense de Pantón, ao chocar a moto que conducía contra un camión.

O suceso tivo lugar sobre as 17,40 horas no quilómetro 543,7 da N-120, ao seu paso por Pantón. A moto na que viaxaba a vítima mortal chocou lateralmente contra un camión.

Como consecuencia, resultou falecido o motorista, un mozo de 22 anos veciño de Monforte de Lemos.