Segundo informaron fontes policiais, a investigación iniciouse o pasado 10 de setembro, cando se produciron os dous primeiros roubos. En días sucesivos, tiveron lugar outro tres roubos, sempre co mesmo ‘modus operandi’.

Así, o ladrón actuaba de madrugada, cando os locais estaban pechados ao público, e forzaba os accesos violentando as persianas. Unha vez dentro, facíase co contido das caixas rexistradoras e outros efectos.

As pescudas levaron a identificar ao presunto autor destes roubos, que foi detido o psaado 30 de setembro e posto a disposición do xulgado, que ordenou o seu ingreso en prisión. Ademais, atribúenselle tamén roubos similares en Monforte de Lemos.