InicioTerra de LemosBóvedaPresentada a XVIII edición da Feira Outrora

Presentada a XVIII edición da Feira Outrora

A presentación do evento etnográfico contou coa presenza de Francisco Conde, vicepresidente primeiro e conselleiro de Economía, Industria e Innovación. Entre os atractivos deste ano haberá unha demostración de escultura con motoserra e un showcooking de tenreira galega suprema a cargo do chef Santi Almuíña.

Publicado o

- Advertisement -

Como cada ano, agás na pandemia, o Concello de Bóveda celebra en Rubián a súa feira máis tradicional e etnográfica, a Feira Outrora. O evento, que será o vindeiro xoves 14 de xullo, chega á súa XVIII edición con moitos atractivos como unha demostración de escultura con motoserra ou un showcooking a cargo dun chef de renome en Galicia. Pero, como noutras edicións, haberá tamén artesanía, obradoiros, música e xogos para os máis pequenos.

Na presentación oficial do cartel e da programación estiveron Elena Fabeiro, xerente de Artesanía de Galicia; Francisco Conde, vicepresidente primeiro e conselleiro de Economía, Industria e Innovación; José Manuel Arias, alcalde de Bóveda; Cristina Juíz, concelleira de cultura; e Manuel Heredia, director xeral de Comercio.

PROGRAMACIÓN

O evento dará comezo o xoves 14 de xullo ás 10:00 horas cunha exhibición de escultura con motoserra. Ás 10:45 horas será o pasarrúas a cargo do grupo de gaitas municipal.

Ás 11:00 h. da mañá farase a apertura dos postos e venda de Artesanía de Galicia, na que participan máis dunha ducia de expositores. Á mesma hora darán comezo os obradoiros de artesanía para familias. Un deles de marmolado e outro de creación de cianotipia.

Recinto feiral da Feira Tradicional Outrora / Peruchela

Ás 12:00 horas haberá un pasarrúas a cargo do Quinteto Atabal.

Ás 12:30 horas, e como novidade, farase un showcooking e degustación de tenreira galega suprema a cargo do chef Santi Almuíña do Restaurante Colón.

Xa pola tarde, ás 16:00 horas haberá outros obradoiros de artesanía para familias. Os obradoiros son gratuítos e pode participar calquera persoa. Serán impartidos por María José Martínez e José Antonio Carrera.

E non podía faltar, como cada ano, unha das actividades máis esperadas pola cativada, a “Festa da escuma”. Empezará ás 18:00 horas e rematará ás 19:00 h., momento no que se iniciará unha sesión de xogos tradicionais tamén pensada para eles.

Ás 20:00 horas terá lugar un concerto na capela da man do dúo formado por Ana Gayoso e Sara Méndez e ás 21:00 horas no mesmo lugar concerto de Noemí Mazoy.

Ás 22:00 horas unha charanga amenizará a noite coa tradicional degustación de ‘isco no guizo’ e a partir das 23:00 horas comeza a noite de pasodobre.

Cartel Outrora 2022

ÚLTIMAS

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...